திட்டம் போட்டு திருடுற கூட்டம் திருடிக்கொண்டே இருக்குது
அதை சட்டம் போட்டு தடுக்குற கூட்டம் தடுத்துக் கொண்டே இருக்குது."
இந்த எம்.ஜி.ஆர். பாட்டு தாங்க மெட்ரோ படம்.
"பட்ட பகலில் சென்னையில் துணிகர செயின்பறிப்பு. பைக்கில் வந்த வாலிபர்கள் கைவரிசை." - இந்த தினசரி நியூஸ்கு பின்னாடி ஒரு பெரிய கதையே இருக்குன்னு சொல்லியிருக்காரு டைரக்டர் ஆனந்த கிருஷ்ணன்.
நல்ல மிடில் கிளாஸ் குடும்பம். பொறுப்புள்ள ரிட்டயர்டு அப்பா. பாசத்தை கொட்டும் அம்மா. லோன் வாங்கி தம்பியை இன்ஜினியரிங் படிக்க வைக்கும் அண்ணன்(ஹீரோ-புதுமுகம் ஷிரிஷ் ). என்னங்க குறை? பேசாம படிப்பை முடிச்சமா நல்ல வேலையில சேர்ந்தமான்னு இல்லாம, கேர்ள் பிரண்ட் பைக் வாங்க நச்சரிக்க, ஆப்பிள் ஐ போன் வச்சு கிளாஸ்மேட் ஆசை காட்ட செயின் பறிப்பு கூட்டத்திற்குள் நுழைகிறார் தம்பி(சத்யா)....
"ஆசை பட்ட எல்லாத்தையும் காசு இருந்தா வாங்கலாம்
அம்மாவை வாங்க முடியுமா? " - இந்த பாட்டு இந்த தம்பி காதில விழலையே.... ! மகனின் நடத்தை அறிந்து பதறி போன அம்மா அண்ணனிடம் சொல்ல போனை எடுக்க, அந்த அம்மாவையே துடிதுடிக்க கொன்னு செய்யினை பறித்து செல்லும் காட்சி... வயலென்ட் உச்சம். பணப்பேய் புடிச்சா என்ன ஆகும்? உங்களை யோசிக்க விடாதுங்கறத யோசிச்சி பாருங்க மக்களே! சொல்கிறார் டைரக்டர்.
செயின் பறிப்பு கூட்டத்தின் தலைவன் பாபி சிம்ஹ - நல்லவனா இருக்கும் கெட்டவன். "நகத்தை வெட்டு. பொண்ணுங்க உடம்புல கீறல் படக் கூடாது. அவங்க நமக்கு குடுக்குற தெய்வம்." - என்ன டிஸிப்ளின் ..!? "பணம் இருந்தா உலகமே உனக்கு அடிமை "ன்னு தன் கூட்டத்துக்கு போதிக்கும் இவர் ஒரு போதைக்கு அடிமை. கூட இருந்த பாதிக்கப்பட்ட நண்பன் கீறல் மீது கனிவு. தொழிலில் கண்ணியம். கண்டிப்பு. சூப்பர் ஸ்டார் ஸ்டைல். இதோடு .... முகத்தில் நவரசத்தையும் அள்ளிக் கொட்டும் "அட்ரா சக்கை" கதா பாத்திரம். ஆனால் கதையின் முடிவுக்கும் எனக்கும் சம்பந்தம் இல்லை என்பது போல ஒதுங்கி உச்ச கட்ட போதை தலைக்கு ஏற பைத்தியமாகி நிற்பது சப்புன்னு ஏமாற்றமாக (ஆனால் அர்த்தமுள்ளதாக) இருக்கிறது.
ஒரு பக்கம் அம்மாவை கொன்னது தம்பின்னு தெரியாம செயின் பறி கும்பலை தேடி வேரோடு பிடுங்க ஆரம்பிக்கிறார் ஹீரோ. இன்னொரு பக்கம் கூட்ட தலைவனையே போதை ஊசி போட்டு பைத்தியமாக்கிவிட்டு தலைவனாக அவதார மெடுக்கிறார் தம்பி. இருவரும் கிளை மாக்சில் சந்திக்க, எனக்கு இந்த வாழ்க்கைதான் புடிச்சிருக்குனு சொல்லும் திருந்தவே மனமில்லாத தம்பியின் கதையை, மனதை கல்லாக்கி கொண்டு முடிக்கிறார் பாசக்கார அண்ணன். ஆசைப்பட்ட கேள் பிரண்ட் பக்கத்தில் இல்லை. ஆசை காட்டி தொழிலில் இறக்கிவிட்ட நண்பன் பக்கத்தில் இல்லை. பாசத்தை கொட்டிய அம்மாவையும் கொலை செய்து உயிரை விடும் தம்பி சாதித்தது என்ன? - இதற்கு தானா ஆசை பட்டாய் பாலகுமாரா?
"காசேதான் கடவுளடா" - நம்பும் வில்லன் பைத்தியமானதுதான் மிச்சம். நம்பும் சத்யாவும் கொலைகார பாவியாகி கொலையானதுதான் மிச்சம். காசு கடவுளா? பேயா ? கேட்கிறது மெட்ரோ படம்.
"பெத்தவங்க பிள்ளைங்களோட ஆசையை நிறைவேத்தலாம். ஆனா பேராசையை நிறைவேத்த கூடாது. அதுவே அவங்க கெட்ட வழியில போக காரணமாயிரும்." வில்லனின் பன்ச் டயலாக் எவ்வளவு ஆழமான உண்மை.
பெண்ணே! நகை மீது ஏன் இந்த மோகம்? இது உனக்கு அழகா? ஆபத்தா? - மெட்ரோ படம் விடை சொல்கிறது.
ஆணோ பெண்ணோ, வயது வந்த பிள்ளைக்கு வீட்டில் தனி அறை எதுக்கு? வசதிக்கு மீறின ஆடம்பரம் எதுக்கு? கெட்டு குட்டி சுவரா போயிருவாங்க... - எச்சரிக்கிறது மெட்ரோ படம்.
ஒரு சில வயலென்ட் காட்சிகளில் மட்டும் (பயமாக இருந்தால் மட்டும் ) பெண்களும் குழந்தைகளும் கண்ணை மூடி கொண்டால் போதும். மெட்ரோ படத்தை குடும்பத்தோடு பார்க்கலாம், A சர்டிபிகேட்டை தவறாக புரிந்து கொள்ளாமல்...
நம்ம மார்க் - 70/100 . Click to view the trailer:
