ஹிட்லர் தனது படை பலத்தை பல மடங்கு அதிகரிக்க போரில் வெற்றி பெற பயன்படுத்திய ரகசிய மருந்துதான் ஸ்பீட் . பல வருடங்களுக்கு பிறகு ரகசியமாக இருந்த அந்த மருந்தை கண்டுபிடித்து பணம் சம்பாதிக்கவும் தீவிரவாதிகளுக்கு ஹெல்ப் பண்ணவும் பயன்படுத்துகிறார் வில்லன் விக்ரம் (பெயர் : லவ் ). அதை ஹீரோ விக்ரம், நயன்தாரா மற்றும் நித்தியா மேனன் உதவியுடன் எப்படி அடியோடு அழிக்கிறார் என்பதுதான் கதை.
படத்தின் விறுவிறுப்புக்கும் பலத்துக்கும் இந்த நாலு தான் காரணம் : 1. ஸ்பீட் - சயின்ஸ் அண்ட் டெக்னாலஜி
2. லவ் - வில்லன் விக்ரம் - வித்யாசமான பெண் பாவனையில்.
3. திடீர் திடீர் என வந்து அதிர வைக்கும் ட்விஸ்ட்.- அதுல ரொம்ப பெரிய ட்விஸ்ட் இடைவேளை ட்விஸ்ட். இறந்து போனதா நினைஞ்ச நயன்தாரா மீண்டும் வில்லன் லவ் உடன்.
அது என்ன சயின்ஸ்? நமக்கு ஆபத்து வரும் போது பயமும் சேர்ந்தே வரும். உடனே அட்ரீனல் சுரப்பி அட்ரீனலின் நாரட்ரீனலின் அப்படிங்கிற ஹார்மோன்களை சுரந்து நமது ரத்த நாளங்களும் தசைகளும் பல மடங்கு பலம் பெற்று நம்மை அந்த ஆபத்திலிருந்து தப்பிக்கவோ அல்லது எதிர்த்து போராடவோ தயார் படுத்தும்.
இதே ஹார்மோனை செயற்கையாய் ஒருத்தருக்கு 5 நிமிடம் வரை செயல்படவைச்சா அவரடோ சக்தி என்னவெல்லாம் செய்யமுடியும் அப்டிங்கிறதுதான் வில்லன் விக்ரம் பயன் படுத்தும் சயின்ஸ். படத்தின் ஆரம்ப சண்டை காட்சியும், கிளைமாக்ஸில் இரண்டு விக்ரமும் மோதும் சண்டைக்காட்சியும் இந்த "ஸ்பீட்" -ஐ வச்சுத்தான்.
எதிரியை கொல்ல ஒரு கெமிக்கல். நர்ஸை மயக்கம் போட வைக்க ஒரு சயின்ஸ். டாக்டர்ஸை சிரிக்கவச்சு தப்பிக்க ஒரு சயின்ஸ். இப்படி எல்லாத்துக்கும் சயின்ஸை பயன்படுத்தும் வில்லன் விக்ரம் தனது சயின்ஸ் மூலமாவே சாவது கச்சிதம்.
இருமுகம். வில்லன் விக்ரம் ஹீரோ விக்ரமை விட ஒரு படி மேல. என்ன நளினம். என்ன ஸ்மெயில். என்ன ஆக்க்ஷன். ஆனால் வில்லனை பற்றிய ரகசியத்தை வில்லனே
ஹீரோவிடம் மணிக்கணக்காய் உளறி கொட்டும் சீனை என்றுதான் தமிழ் சினிமா விடப்போகிறதோ?!
முதுகை காட்ட, சின்ன பிள்ளைங்க போடும் பிராக் போட்டு தொடையை காட்டி ஆட, இப்படி பாட்டுக்கு மட்டும் திடீர் திடீர் என்று நயன்தாராவை கூப்பிடுகிறார்கள். "தேவைக்கு" நயன்தாராவை கதையில் பயன்படுத்திக் கொ(ல் )ள்கிறார்கள்.
நாலு வருடமா வில்லன் கூட இருந்தும் வில்லன் இவளை சந்தேகமே படாமல் இருப்பது ஆச்சர்யம். ஸ்பீட் எடுத்தால் பலம் வரும். இழந்து போன மெமரி கூடவா திரும்ப வரும். சப்பக்கட்டு.
நித்தியா மேனனுக்கும் விக்ரமுக்கும் லவ் வந்துருமோன்னு ரசிகர்கள் எதிர்பார்க்க, லவ் பண்ணும் மூடில் நம்ம விக்ரம் இப்ப இல்லை என்கிறார் டைரக்டர் ஆனந்த் ஷங்கர்.
நித்தியா மேனனுக்கு பொருத்தமான ரோல். கண்ணியமான நடிப்பு. ஆனாலும் போலீசாக தெரியாமல் பெண்ணாகவே தெரிகிறார். தைரியத்தை விட தியாகமும் இரக்கமும் பூசி உடையில் மட்டுமே போலீசாக...
"ரெண்டு நிமிஷம் அவரோட பேசணும்." இது இந்தியன் போலீஸ்.
"24 மணி நேரத்துக்குள்ள உன்னை கல்யாணம் பண்ணிக்கிறேன்."
"24 மணி நேரத்துக்குள்ள ஸ்பீட் எடுத்து குழந்தை பெத்துக்கலாம்."
இவைகளை தவிர வேறு எந்த டயலாக்கும் உப்பு சப்பில்லாமல் இருக்கிறது.
பாடல்கள் இடை செருகல். படத்தோடு படத்தின் தேவைக்கு பொருந்தவே இல்லை. நயன் தன்னை மறந்ததுக்கு ஒரு பாட்டு. ஆனால் பாட்டு முடித்ததுமே ட்விஸ்ட் மூலம் நயனை வித்தியாசமாக காட்டுவது முந்தய பாட்டையே அர்த்தமில்லாமல் ஆக்குகிறது.
தம்பி ராமையா சிரிக்க வைக்கிறார். ஆனால் கதையில் அவருக்கு கொடுக்கப்பட்ட ரோல் பல இடங்களில் அவரையே வாய் மூட வைக்கிறது.
இன்னும் கொஞ்சம் காமெடி, நச் நச் டயலாக், பொருத்தமான பாடல்கள், ஸ்பீடுக்கு தகுந்த பலமான நம்பக்கூடிய சண்டை காட்சிகள் இப்படி இருந்திருந்தால் படம் பட்டையை கிளப்பியிருக்கும்.
படம் நல்லாருக்கு. குடும்பத்தோட பார்க்கலாம்.
படம் பர்ஸ்ட் கிளாஸ். பால்கனி இல்ல.
நம்ம ரேட்டிங். -70/100
